سلسلة دروس : JSP

صباح الخير

JSP و Servlet و server

الثلاثة هذول هما الاساس في برمجة الويب ابلكيشن للغة البرمجة اللي اسمها jsp

حنبدا نحكي فيهم وحدة وحدة و اللي ما بيفهم شغلة يسال عنها 

اول ما حنبدا ونقول شو هيا السيرفلت ؟

السبرفلت هيا اختصار ل server_side entity

لكن شو يعني ؟ هل هيا اشي بنكتب فيه سيرفر وابلكيشنز ؟ هي هيا كلاس جافا ؟ هل هي تقنية جديدة ؟

الجواب حيكون كل ما سبق 

حنشوف هذا بالشرح لقدام 

في عنا اشي اسمه servlet container

ال servlet container هو باختصار السيرفر اللي حيشغل ملفات السيرفلت 

طبعا في عنا حيكون شوية مصطلحات ضروري نفهمهم ونحفظهم 

خلينا نبتدي بال server ونحكي عن تنصيبه وتهيئته للبرمجة وتهيئة نظام التشغيل تبعنا كمان لتشغيل السيرفر

قبل ما نبدا نحكي عن السيرفر اللي حنستخدمه 

لازم يكون في عنا نسخة من JDK نازلة على الجهاز 

اللي مش موجود عنده بقدر ينزلها من www.java.sun.com

السيرفر اللي حنستخدمه هو jakarta-tomcat 6.0.14

وهذا رابط التحميل apache-tomcat-6.0.14.exe

حجم الملف 5 ميجا تقريبا 

وان شاء الله حشرحلكم بالصور كيف تعملوله تنصيب بالشرح الممل

محدش يستعجل ويعمل تنصيب قبل ما اشرح عشان ما يصير اخطاء 

تحياتي